Îsraîl û Yunanîstanî seba xurtkerdişê kapasîteya pawitişê hewayî yê Atînayî peymanêke pîle ya leşkerî ya bi nirxê 3 mîlyar Euroyî îmza kerd. Na gama dîrokîye Îsraîlî de sey peymananê tewr pîlan ê rotena çekan ame vênitene. Na game hem demê de sey hemkarîya her di dewletan a verba Tirkîya ameyê erjnayene.
Wezaretê Pawitişî yê Îsraîlî pare kerd ke çarçeweya peymana ke Tel Avîv de ameye morkerdene de, Îsraîl do seba Yunanîstanî sîstemêke pawitişê hewayî yo zaf qatin û û hîrayî yo bi nameyê “Mertalê Aşîl” bivirazo.
Pergalê hewayî gêna zereyê xo
Zereyê nê sîstemî de mekanîzmayê stratejîkî yê sey sîstemê David’s Sling ê Rafaelî, BARAK MX ê Israel Aerospace Industries (IAI) û sîstemê pawitişê hewayî yê Spyderî estê. Reyna do radarê MMRî yên zêde-wezîfeyî yê Eltayî zî tevlî na tore bibê. Hetê na peymane de, Atîna do bi nirxê 26 mîlyon Euroyî sîstemê antî-dronî yê bi nameyê Drone Domeî zî seba pawitişê merkezanê stratejîkan Îsraîl ra biherîno.
Faktorê Tirkîya û hêza Rojhilatê Deryaya Spî
No xebat tenê rastkerdenê çekan nîyo; eynî wextî de parekerdişê agahîyanê teknîkîyan û hemkarîya stratejîk a endustrîyê pawitışî yê her di dewletan gêna zereyê xo. Nirxê ekonomî yê peymane 3 mîlyar Euro yê. Na peymane demoke ke herêma Rojhilatê Deryaya Spîye de mabênê Tirkîya û Yunanîstanî de tengijîyayîşê sîyasî û leşkerî dewam kenê de ameyê viraştene. Na gama hevpar a Tel Avîv û Atînayî sey xurtkerdişê cepheyî ê verba sîyasetê Anqarayî yê herême de yena erjnayene.
