Mazlûm Ebdî û Îlham Ehmede sîyasetkarê kurdî Mihemed Mûsa yo ke neweşxaneyêke Şamî de tedawî vîneno zîyaret kerd.
Fermandarê Pêroyî yê HSD’yî Mazlûm Ebdî, Hemsereka Daîreya Têkilîyanê Teberî ya Rayberîya Xosere Îlham Ehmed û Cagirê Fermandarê Hêzanê Asayîşê Zereyî yê Hesekê Sîyamend Efrîn neweşxaneyêke Şamî de sîyasetkarê kurdî û Sekreterê Pêroyî yê Partîya Çepî yê Sûrîya Mihemed Mûsa yo ke seba rewşa xo ya weşîye tedawî beno zîyaret kerd.
Tebaxa 2026 de amebî eşkera kerdene ke no demêko nêweşîya Mihemed Mûsayî giran bîya. Seba dermankerdişî o berdo neweşxaneyêke Şamî û nika binê çimdarîya doktoran de yo.
