Serekê Meclîsê Îranî Mihemed Baqir Galîbaf rest Bexda û hetê Cîgirê Yewinî yê Serekê Parlamentoyê Iraqî ra ame pêşwazîkerdene.
Medyaya Iraqî derheqê restişê serekê Parlamentoyê Îranî Mihemed Baqir Galîbafî yê Iraq û pêvînayîşanê ey û berpirsîyaranê Iraqî de agahî pare kerdî.
Goreyê medyaya Iraqî, Baqir Galîbaf hema newe resto Bexda û hetê Cîgirê Yewinî yê Serekê Parlamentoyê Iraqî Ednan Feyhanî ra ameyo pêşwazîkerdene.
Goreyê tayê çimeyan, Galîbaf verê serokê parlamentoyê Iraqî de bêro pêser. Ayera pey zî reyde serekanê fraksîyonan ê zereyê parlamentoyê Iraqî de bêro pêser.
Yêno vatene ke hevdîtinanê parlamentoyî ra pey, Galîbaf serekwezîr, serekkomar û serkêşanê bînan ê siyasî ê Iraqî de zî hevdîtinan bikero.
Goreyê medyaya Îranî mijarê serênî yê pêvînayîşan; xurtkerdişê dayîşûgirewtişan ê dihetan, ewlehîya sînoran, ribiri mendişê “terorî”, xurtkerdişê hemkarîya aborî û teqîpkerdişê pêymananê hemparan ê mabênê di welatan ê.
