PJAKî ard ziwan ke şarê kurdî bi têkoşînî vera fetvaya cîhatî ya ke Humeynî vera kurdan 1979 de îlan kerd, vejîya û vat, “Seba şaranê bindestan teberê garantîkerdişê azadîye û demokrasîyî de yewna rayîr çîn o.”
PJAKî bi wesîleya serrgêra fetvaya cîhatî ke Humeynî 19ê tebaxa 1979î de vera şarê Kurdîstanî îlan kerd, eşkerayîye daye. Eşkerayîye de ame vatene ke badê fetva xeylê bajaranê Rojhelatî de qirkerdiş û înfazê komkî qewimîyayî û şarê kurdî zî bi grev, rayraşîyayîş û xoverdayîşanê cîya cîyayan vera nê hêrişan vejîya.
PJAKî ard ziwan ke hêrişanê ke 1979 de ameyî destpêkerdene, netîceya polîtîkayanê merkezî, înkarê nasnameyê kurdan ê Îranî de qewimîyayî û vat heqê ziwan, kultur û nasname û yê kurdan bi serano binê zextî de ameyî tepiştene û nê polîtîkayî roja ma de zî dewam kenê.
Eşkerayî de ame vatene ke şarê kurdî rixmê heme zextan îradeyê azadîye canêverda û ame îfadekerdene ke metodê leşkerî û zextî nêeşkenê meseleya kurdan çareser bikerê. PJAKî vat seba kurdan ke Îran de yê û şaranê bînan ê bindestan çareserîya mendî tena bi azadîye, demokrasî û garantîkerdişê heqanê seypêyî mumkun a.
