AMED – Licê de mînîbusa raywanan qeza kerde. Serê rayîrê Licê û Çewlîgî de mînîbusa ke tede 16 kesî bîbî, înan ra 7 kesî cuya xo ra bîyî û 9 kesî zî birîndar bîyî.
Qezaya Lîcê ya Amedî de, mînîbusêke bi plaqeya 41 AFM 446 serê rayîrê Licê û Çewlîgî de ver bi Muşî şinê qeza kerde. Ambulansî seba cayê qeza ameyê sewqkerdiş.
Ame eşkerakerdene ke mînîbuse de 16 kesî bîyî û 7 kesî cuya xo ra bîyî. Kesî ke cuya xo ra bîyî nameyê înan wina yê; Veysi Şaylikay, Vedat Şaylikay, Feyziye Şaylikay, Özcan Şaylikay, Naide Şaylikay, Zeyd Şaylikay ve Nazya Demirhan û yew zî nameyê ey nêameyo dîyarkerdene. 9 kesê ke birîndar bîyî zî, badê mudaxaleya verêne berdê Nêweşxaneyê Dewlete yê Lîce ya Halîs Toprakî. Kesê ke cuya xo ra bîyî zî berdê morgê Nêweşxaneyê Dewlete yê Lice ya Halîs Toprakî.
Ame zanayene ke ne kesanê ke waştêne seba nîşaneyî şêrê Mûş, nêzdîyê mezraya Heylo Mehleya Qerehesenî ya girêdayê Licê de qeza kerda.
Derheqê qeza de tehqîqat ameyo destpêkerdene. Badê etudkerdişê hedîse ame temamkerdene, mînîbuse cayê qeza ra ameya hewanayene.
