Karkerê madenî yê ke girêdayeyê Sendîkaya Karkerênê Madenî yê Xoser ê, seba ke destheqê xo bigîrê, verê Wezaretê Enerjî û Çimeyanê Xozayî de, roja 4. de çalakîya xo domnenê.
Karkerê madenî yê girêdayeyê Sendîkaya Karkerênê Madenî yê Xoserî ê ke Holdîngê SSS’yî yê Yildizî yê Doruk Maden û Etî Gumuş Madenî yê Xarbetî de xebetênê, seba ke destheqê xo bigîrê, reyna ameyê Anqara û wazenê bi Wezeratê Enerjî û Çimeyanê Xozayî rê pêvînayîş bikerê. Nê semedî ra çalakî virazenê û çalakîya karkeran roja 4. de verê Wezaretê Enerjîye û Çimeyanê Xozayî de dewam kena. Karkerî, ameyê verê Wezaretê Enerjî û Çimeyanê Xozayî de kincê xo vetê û baretê xo dayê erdro û bi sloganê ‘Ma do bi xoverdayîşî ser bikewi’ û ‘Serkewtiş ê karkeran o ke xo ver danê’ eştî.
Serekê Sendîkaya Xoser ê Karkeranê Madenî, Gokay Çakir, derheqê waştişanê xo de eşkerayî da çapemenîye.
’Ganî wezaret nê problemî çareser bikero’
Gokay Çakir dîyar kerd ke muhatabê înan wezaret o û hetanî wezaretî reyde pêvînayîş nêkerê, fek çalakîya xo ra veranêdanê û wina vat: “Sendîkayanê zerrnî bi holdîngê rê pêvînayîş kerdû sozdayîşê heqdestê ma ameyo dayîş la ma înan ra bawer nêkenê. No problem tena Wezaretê Enerjîye û Çimeyanê Xozayî eşkeno çareser bikero. Ma wazenê bi wezaretî nê problemî çareser bikerê.”
Badê eşkerayîye, karkeran zî qisey kerd û waştiş û problemê ke ciwîyenê îfade kerdî.
