Şaredarîya Şaristanê Girdî ya Amedî, seba bihêzkerdişê ekonomîya cinîyan, ganîverdişê toximê cayî û teşwîqkerdişê berardena ekolojîkî, projeyê Bostanê Şaristanî yê Komîn ê Cinîyan vistbî dewre û mehsulo ewilîn ame arêdayene. Cinîyê ke heme qonaxanê berardişî de pîya ca girewtê, sewze û nebatê tibî û tehmweş ê ke ronayê, arê dayê.
Şaredarîya Şaristanê Girdî ya Amedî, xebatayê xo yê seba bihêzkerdişê ekonomîya cinîyan û vilkerdişê berardena ekolojîk domnena. Bi pêşnegîya Rayberîya Bihêzkerdişê Ekonomîya Cinîyan ê bin bane Serektîya Daîreyê Polîtîkayanê Cinîyan de, Bostanê Şaristanî yê Komîn ê Cinîyan de mehsulo ewilîn ê ked û piştîdayîşî ameyê arêdayene.
Cinîyê ke heme qonaxanê berardişî de ca girewtê û komunî yê cinîyan bi 15 kesan ame awankerdene, bostanê dorûverê Serektîya Daîreyê Xizmetanê Dormeyî yê Talaytepe yê qezaya Peyasî de berardişê herêmî û cayî yê ke resayê arê dayê.
Projeyê ke amancê ey ganîverdişê toximê cayî, teşwîqkerdişê berardişê ekolojî û averberdişê kulturê piştîdayîşî yê mabenê cinîya de, tewlê sewzeyanê nebatî yê tibî û aromatic zî yenê ronayene. Cinî do qonaxê ewilî de berardişanê sey balîcan, firîngî, bacik, nehne, pûng, cehtire, rosemarîye û nergîzê ke bostanî ra bi dest kerdê seba lazimîya keyeyanê xo bixebitnê.
Bostanê bi şitlanê ke toximanê cayî ra ameyê berardiş, ameyê viraştiş
Sereka Daîreyê Polîtîkayanê Cinîyan, Ozden Gurbuz Sumer, derheqê detayê projeyî de agahî dayê û dîyar kerd ke Bostanê Şaristanî yê Komîn ê Cinîyan, bi pêşengîyê Rayberîya Bihêzkerdişê Ekonomîya Cinîyan ameyê viraştene. Ozden Gurbuz Sumer îfade kerd ke gêgayê berardişî ameyê dîyarkerdene û binawnîya teknîkî ya lazim, hetê Şaredarîya Şaristanê Girdî ra ameyê hedrekerdene û wina vat: “Proje bi hemkarîya Serekîya Daîreyê Xizmetanê Dormeyî ra yeno rayraberdiş. Taybetmendîyê tewr bingeyîn ê bostanan xebitnayîşê toximanê cayî yo û warê berardişan bi şitlanê ke toximanê cayîra ameyê destkewtene, ameyê awankerdene.”
Ozden Gurbuz Sumer, îfade kerd ke cinî, ronayîşî ra hetnî arêdayene, pakkerdişî vaşanê zîyanî ra hetanî komkerdişê berardişan, heme qonaxanê berardişî pîya rayra berdê û proses bi ferasetê xebatêka hempar û seyyewbînî dewam keno.
Cinî, bi tecrube û zanayîşê teknîkî yo ke bostanan de musenê, amanc kenê ke ameyoxî de berardişî waranê hîrayan de vila bikerê û ekonomîya şaristanî de rolêko aktîf bigêrê xo ser.
