Mudirîyetê Polîtîkayanê Cinîyan ê Şaredarîya Peyasî, vera şîdetê cinîyan ser o û seba piştîdayena cinîyan reyde aver bero û parekerdişê metodê xebatan ê hempar, Parka 75î de cinîyan reyde ameyê têhet.
Mudirîyetê Polîtîkayanê Cinîyan çarçewaya kampanyaya “Vateyê ma nêqedîya, ma do pîya şîdet bidê vindarnayene” Parka 75î de cinîyan reyde ameyê têhet. Bi kampanya ame amanckerdene ke semedê komelî yê şîdetê cinîyan ser o bêrê munaqeşekerdene û sey problemêko esasî yê vera şîdetî hîsê, rêxistinbîyayîş bêro awankerdene.
Hemşaredara Peyasê Bêrîvan Gulşen Sîncar, endamê meclîsê şaredarî, hetkarê hemşaredaran û xebatkarê Mudirîyetê Polîtîkayanê Cinîyan tewrê kombîyayîşî bîyî. Wextê pêvînayîşî de seba cinîyê ke rastê şîdetî ameyê, vilawekî ameye vilakerdene, nê vilawekan de agahîyê tekilîyan yê merkezê destekê cinîyan û piştîdayîşê komelî ca girewtê.
Bêrîvan Gulşen Sîncar derheqê xebata şaredarîye yê eleqedarê cinîyan de agahî daye û goş da waştişê vernîyazanê cinîyan. Şaredarîya Peyasî do aşma hamnanî de xeylê cayanê cîyayan de pêvînayîşanê xo bidomno.
