Badê ke qanûnê çarçewa Heyetê Pêroyî yê Meclîsî ra derbaz bi, Wezîrê Karanê Zereyî Mustafa Çîftçî do meşte saete 15:00î de Walî, Fermandaranê Cendirmeyan û Mudiranê Emniyetî yê 81 şaristanan reyde kombîyayîşêk virazo.
Qanûnê Çarçewa yê ‘Xurtkerdişê paştîdayîşê neteweyî û yewbîyayîşê komelî’ bi 468 vengan Heyetê Pêroyî yê Meclîsî de ame qebulkerdene. Badê qebulkerdişê qanûnê çarçewa, Wezîrê Karanê Zereyî Mustafa Çîftçî veng da Walî, Fermandaranê Cendirmeyan û Mudiranê Emniyetî yê 81 şaristanan ke bilez kombîyayîşêk virazê. Kombîyayîş do meşte saete 15.00î de bi raya vîdeo konferansî bêro kerdene. Kombîyayîş do derheqê qanûnê çarçewa de bo û Serekê Meclîsî Numan Kurtulmuş zî do tewrê kombiyayîşî bibo.
Wezîrê Karanê Zereyî Mustafa Çîftçî yo ke derheqê kombîyayîşî de eşkerayî daye, dîyar kerd ke ganî her kes çi destê inan ra yeno bikero û vat ke do kombîyayîş de babetanê caardena entegrasyon û qanûn do senî bikewo pratîk, bêrê erjnayene.
