Wezaretê Pawitişî yê Yemenî eşkera kerd ke hêrişanê ke vizerî hetê Hûsîyan ra şaristanê Marib û Hadramevte de ameye kerdene, 17 leşker û efserî cuya xo ra bîyî û xeylê leşkerî zî birîndar bîyê.
Wezaretê Pawitişê yê Yemenî derheqê hêrişanê vizêrî yê Hûsîyan de eşkerayîyêka nuştekî weşanaye. Wezaretî eşkera kerd ke hêrişê bi fuzeyanê balîstîk û teyarayê bêmerdim yê serê yewîneyanê artêşe de 17 leşker û efser ameye kiştene û xeylê leşkerî zî birîndar bîyî.
‘Ma do cewab bidê’
Wezaretî vat ke hêriş wexto ke Hêzanê Çekdarî yê Yemenî gureyê xo yê pawitişî herêmanê xelasnayan û rayîrê bejayî yê mîyanneteweyî û sewbîna şerê vera torra qaçaxçîyan ê Hûsîyan pê ardêne, o wext qewimîyayo.
Wezaretî dîyar kerd ke do vera nê hêrişan “Ca û wextêko munasib de” cewab bidê. Wezaretê îdia kerd ke hêrişê vera Hûsîyan do artêşe ser o tesîr nêkero û eşkera kerd ke qerarê pawitişê Yemenî, newera awankerdişê sazgehanê dewlete û seba peynîkerdişê derbeyê Hûsîyan zêdeyêr bîyo.
