Hêzê Hûsîyan rojavayê Yemenî de hêrişê karwanêk multecîyan ke ver bi Adenî şîyênê kerd. Çimeyê tibî û herême eşkera kerd ke netîceyê hêrişî de zêdeyî 100 sîvîlî cuya xo ra bîyî û xeylî birîndarî zî berdê nêweşxaneyanê şaristanî.
Yemen de, binpaykerdişê Hûsîyan vera sîvîlan vila beno. Kiştene, bombardumana bêserûber, çekdarkerdena gedeyan bi zorî, vîndîkerdena bi zorî, îşkence, desteserdayîşê milk û çekdarkerdena tesîsanê sîvîl, heme pîya binpaykerdişê heqê merdiman ê.
Vera karwanê koçberan bi fuzeyî hêriş
Çimeyê weşîye û herême vizêrî eşkera kerd ke Hûsîyan karwanêk sîvîlan ser o bi fuzeyî hêriş kerd. Karwan des hezaran keyeyanê koçber ra ware ameyni, Heys, El-Xawxa û El-Mukha ra wirzenê û ver bi Adenî şînê. Netîceyî de adir keweno 15 wesayîtan û xeylî raywanî cuya xo ra benê.
100 kesî merdê û bi desan kesî zî birîndarî
Raporê destpêke ra eşkera bi ke hûmara merdeyan 100 ra vîyarto ke zaferîyê înan cinî û gede yê. Eynî wextî de bi desan kesê bînî zî bîyê birîndar û rewşa tayênan giran a. Tayê birîndarî seba tedawîye ameyê berdene nêweşxaneyanê Adenî. Ekîbê weşîye zî dewamî netîceyê hadîseyî erjnenê û hûmara raştin ê kişteyan dîyar kenê.
Krîzê merdimîye yê Yemenî xorîn beno
Hêrişê ke bi alozîyê leşkerî yê qeraxê rojava û hedefgirewtişê binawanîya sîvîl û rayîrê şîyayîş-amayîşî ra zêde benê, her ke şono krîzî girdêr keno. Sewbîna nê demê ke krîzê merdimîye Yemenî de her ke şono xirabêr beno de, dewamkerdene pêkewtişan û astengîya xizmetanê bingeyînî dîyar kenê ke operasyonê neweyî raşteraşt tesîr sîvîlan ser o keno.
