Li Şaredariya Avcilarê bi îdiaya ku di îhaleyên asfaltê de gendelî hatiye kirin operasyon hate lidarxistin û 13 kes hatin binçavkirin
Di çarçoveya lêpirsîna ‘gendeliya di îhaleyê de’ ya ku sala 2022yan li ser Şaredariya Avcilarê hate kirin de li 4 bajaran 13 gumanbar hatin binçavkirin. Tê îdiakirin ku kesên hatine binçavkirin di îhaleyên dewrên berê yên Şaredariya Avcilarê de rê li ber gendeliya organîzeyî vekirine.
Di çarçoveya lêpirsîna ‘gendeliyê’ ya ku ji aliyê Serdozgeriya Komarê ya Kucukcekmeceyê ve li ser Şaredariya Avcilarê hate birêvebirin de, hat gotin ku di sala 2022yan de di îhaleya ‘hilberîna asfaltê’ de ya li taxên cuda yên Avcilarê, komîteya bihayê texmînî bêyî lêkolîna li ser bihayên yekîneya giştî yên bazarê, bi pêşniyarên şîrketan bihayê wê wekî 10 milyon û 167 hezar lîre diyar kiriye û bi vê bûne sedema zirareke giştî ya bi qasî 3 milyon û 302 hezar lîreyî.
Di çarçoveya lêpirsînê de li dijî 13 gumanbaran li 4 bajarên ku navenda operasyonê Stenbol e operasyoneke hevdem hate lidarxistin. Di çarçoveya operasyonê de, di nav wan de Midûrê Karên Fenê Îsmaîl Kurtuluş jî heye 13 gumanbar hatin binçavkirin.
