Dewa Xelîlan de xebatkarê DEDAŞ’î leşkeran reyde kewtê mîyanê dewe û cereyanê 500 keyeyanê dewe birna.
Dewa Xelîlan nê 2 rojî yo bêceyran a. Dewa Xelîlan a qezaya Kerboranî ya Mardînî de vizêr xebatkaranê DEDAŞ’î bi maneyê ‘aboneyan bivejê kûçan’ bi leşkeran eşt dewe ser o. Şarê dewe vejîyayîşê aboneyan seba teberî, verê tehlukeyanê ke do vejîyê, cade nêdî û vera nê qerarê DEDAŞ’î reaksîyon mojna. Naye ser o xebatkaranê DEDAŞ’î binê kontrolê leşkeran de ceyranê 3 trafoyanê mîyanê dewe birna.
Dewa Xelîlan texmînî 500 keyeyan ra yena pê û nufusê ci zî 3 hezarî ra zafêr o. Şarê dewe yê ke ma bi rayîrê telefonî resayî înan, vera nê kerdişê DEDAŞ’î reaksîyon mojna û vat ke germê hamnanî de no çî yo ke DEDAŞ keno, neyarê merdimî zî nêkenê. Sewbîna şarê dewe pare kerd ke dereceyê germînîye dewa înan de vejîyena 45 dereceyan û dîyar kerd ke eke cereyanê înan nêro do heme zexîreyê înan bixerepîyo.
