Serekê Fermandarîya Pêroyî ya Hêzanê Seferberîya Şarî (Heşdî Şabî) Ebdulezîz Mihemedawî eşkera kerd ke ê do çekanê grûbanê çekdaran teslîmê dewlete nêkerê.
Serekê Fermandarîya Pêroyî ya Hêzanê Seferberîya Şarî (Heşdî Şabî) Ebdulezîz Mihemedawî bi nasnameyê Ebo Fedek derheqê teslîmkerdişê çekanê grûbanê çekdaran ê seba dewlete de çapemenîya Îraqî rê qisey kerd.
Ebo Fedekî persê teslîmkerdişê çekan ê seba dewlete ser o wina vat: “Kam do nê çekan bigîro? Kam do bieşko çekan bigîro?”
Raya pêroyî ya Îraqî de nê vateyê Ebo Fedekî wina ameyî erjnayene ke ê do çekanê grûbanê çekdaran ê Haşdî Şabî teslîmê dewlete nêkerê.
Na eşkerayî dimayê hêrişanê vizêrên ê hempar ê Amerîka û Erebîstana Seûdî ya vera grûbanê Haşdî Şabî ameye kerdene. Erjeno merdim vajo ke, netîceyê hêrişanê vizêrên ê serê Haşdî Şabî de 20 çekdarî ameyî kiştene û 32 çekdarî zî birîndar bîbî.
