Meclîsê Tirkîya wextê tehtîlî derg kerd û do heta 6ê tebaxe bixebitîyo.
Tehtîlê meclîsê Tirkîya reyna ame dergkerdene. Ganî Meclîs 1ê temmuze de dest bi tehtîlê serre bikerdêne la seba prosesî wextê xebata xo reyna derg kerd û do 6ê tebaxe de bikewo tehtîl. Meclîsî vizêrî bi pêşnîyazê AKP’yî Heyetê Pêroyî de qerar girewt ke xebatanê xo heta 6ê tebaxe dewam bikero.
Meclîs do bi rojêvê sey vurnayîşê qanûnê perwerdeyîyê berzî, qanûnê pawitişê gedeyan, peymananê mîyanneteweyî û qanûnê çarçewa de xebatanê xo bidomno.
