Festivala Kultur û Xoza ya Kanîreşî ke bi tewrbîyayîşê hezaran kesan virazîya, bi konserêko bi coş û govende qedîya.
Festivala Kultur û Xoza ya Kanîreşî ya Çewlîgî ke hetê rêxistinanê qezayî yê Partîya Herêmanê Demokratîkan (DBP) û Partîya Têduştî û Demokrasî ya Şaran (DEM Partî) ra ame viraştene, bi konserêk dewam kerd. Konser de hunermendî Eylul Nazlier, Sîpan Xelat, Ciwan Adar, Halîl Bayindir û Ulaş Kelaşîn vejîyayî sehneyî ser. Welatijan wextêko derg deyîran reyde govende girewte. Konser de programê dengbêjîye zî ame pêşkêşkerdene.
Sîpan Xelatî deyîra xo ya newe ke verê cû nêvatebî, meydanê konserî de vate. Deyîra newîye ya Sîpan Xelatî rastê eleqeyêko girdî ameye. Sîpan Xelatî ke tîya de qiseykerdişêk kilm kerd û vat: “Ma do wayîrê înanê ke ma xo rê sey rayber weçînayo bivejîyê û keda înan ra îstîfade bikerî.” Sîpan Xelatî dima ra seba Rayberê Şarê Kurdî Abdullah Ocalanî çepikî waştî û deyîra “Berîtan” vate. Girseye bi çepikan sloganê “Bijî Serok Apo” berz kerdî.
Konserê ke tede çepikî kêm nêbî, bi coşêko gird qedîya.
