Cenazaya senarîst û sînemakar Murat Çîçek o ke Japonya de wextê destbendkerdişî de bi hawayêko guman cuya xo ra bibi Colemêrg de bi girseyî ame definkerdiş.
Senarîst û sînemakar Murat Çîçek, 3yê temmuze de Japonya de wextê destbendkerdişî de bi hawayêko guman cuya xo ra bi. Murat Çîçek 25ê hezîrane Japonya de qezaya trafîkî vîyarnaye û dima ra merkezê destbendkerdişî de yeno girewtiş. Sersefaretê Tirkîya yê Japonya badê mergê Murat Çîçekî, 8ê temmuze de agahî dabî keyeyî.
Cenazaya Çîçekî roja 17ê temmuze japonya ra resaye Stenbol û eynî roje de erşawitbi şaristanê Wanî.
Otopsîyê Murat Çîçekî nê serê sibayî Wan de ame kerdiş û dima ra cenaza berde Colemêrg. Cenaza Goristanê Taxa Newîye ya merkezê şaristanî de bi girseyî ame definkerdiş. Parlamenterê DEM Partî yê Colemêrgî Vezîr Parlak, hemserek û rayberê DEM Partî û DBP’yî, bi seyan welatijî tewrê merasimê cenaza bîyî.
Seba Murat Çîçek camîyê Taxa Newîye de şîn ame ronayene û do şîn 2 rojî dewam bikero.
