Şaredarîya Amedî ya Şaristanê Girdî, bi amancê hemparbîyayîşê termanê kurdkî yê ke rayberîyê herêmî de yenê şuxulnayene ser Komxebatê Termanê Şaredarî virazena. Yeno amanckerdene ke binê banê şaredarî de badê komxebata 6 rojan do termînolojîyêka hempare bêro amadekerdene.
Şaredarîya Amedî ya Şaristanê Girde, bi amancê hemparîya termanê Kurdkî yê ke rayberîya herêmî de yenê şuxulnayene, Komxebata Termanê Şaredarî virazena. Şaredarîya Amedî ya Şaristanê Girdî xebatanê xo yê seba şuxulnayîşê kurdkî yê raya pêroyî de bi termînolojîyêka hempare domnena. Na çarçewa de hetê Mudirîyetê Şubeyê Pawitiş û Averberdişê Ziwanî ya ke binê banê Serekîya Daîreyê kultur û Hunerî û Karanê Komelî de yo, Komxebata Termanê Şaredarîye Merkezê Gastro Înovasyonî yê Odeya Tîcaret û Sanayî ya Amedî (DTSO) de virazen o. Komxebata ke mabênê 7-12ê Temmuze de virazîyena û do 6 rojan dewam bikero, standardkerdişê konsept û termanê kurdkî yê ke rayberîya herêmî de, hewanayîşê cîyayanê termînolojîk û awankerdişê şuxulnayîşê hempar ê şaredarîyan de yeno amanckerdene.
Akademîsyen û ziwanzanî tewrê ci benê
Tewlê edamanê komîteya ke binê banê Mudirîyetê Şubeyê Pawitiş û Averberdiş Ziwanî de xebatanê amadekarî rayra benê, Xorasan, Duhok, welatanê cîya yê Ewropa ra û şarisatananê cîya yê Tirkîya ra akademîsyen, ziwanzan û cigêrayox tewrê na komxebate bîyê. Komxebate de, konsept û termê kurdkî yê ke rayberîya herêmî de yenê xebitnayene bi hawayêko hîra ameyê erjnayene; beşdaran serê cîyayanê termînolojîk de erjnayîşî kerdî û ewnîyayîş û pêşnîyarê xo yê seba şuxulnayîşê termanê hempar pare kerdî.
Termînolojîyêka hempare do bêro hedrekerdene
Amanco bingeyîn yê xebate; tespîtkerdiş, erjnayîş û averberdişê pêşnîyaranê çareserî yê seba problemanê termînolojî yê termanê şaredarî yê kurdkî ame dîyarkerdene. Bi na xebata ke yena rayra berdene de yena amanckerdene ke termînolojîya kurdkî ya ke do sere de Şaredarîya Amedî ya Şaristanê Girdî û şaredarîyê herême de bêro şuxulnayene û bireso standardêke hempar.
Netîce do raya pêroyî rê bêro parekerdene
Rapor û netîceyê ke peynîya 6 rojan de bêro amadekerdene, do raya pêroyî rê bêro parekerdene. Yeno pawene ke termînolojîya hempar a ke do badê 6 rojan bêro awankerdene û bibo hetkar ke kurdkî rayberîya herêmî de bi hawayêko hîna zêdeyêr û goreyê hinî prensîban bêro şuxulnayene.
