Amerîka eşkera kerd ke Îranî hêrişê keştîyanê bazirganîye kerdo, aye ra înan vera Îranî zaf hêrişê giranî dayê destpêkerdene.
Amerîka eşkera kerd ke Îranî hêrişê keştîyanê bazirganîye kerdo, Amerîka zî no semed ra vera Îranî zaf hêrişê giranî dayê destpêkerdene.
Heto bîn ra Artêşa Muhafizanê Şorişî yê Îranî zî eşkera kerd ke înan sey cewabê hêrişan, vera 85 kampanê eskerî yê Amerîka hêrişî kerdî. Mabênê Amerîka û Îranî de hêrişê vera yewbînî ameyî kerdene. Televîzyonê Dewlete yê Îranî dîyar kerd ke şaristanê Bender Ebbas û Sirîkî yê ke nêzdîyê Neqebê Hurmuzî de yê, vengê teqayîşan ameyo eşnawitene.
Artêşa Amerîkayî zî eşkerayî da û îdia kerd ke Îranî keştîyê bazirganî kerdî hedef, aye ra vera Îranî zaf hêrişê giranî dayê destpêkerdene. CENTCOMî dîyar kerd ke Hêzê Fermandarîya Merkezî yê Amerîkayî vera Îranî ke ‘muretebatê sivîlan kerdo hedef’, xeylê hêrişê hewayî dayê destpêkerdene û wina vat: “Hêrişkarîya Îranî ca de nîya, tehluke û binpêkerdişo eşkere yê adirbestî yo.”
Sey cewabê hêrişanê Amerîkayî, Artêşa Muhafizanê Şorişî yê Îranî zî dîyar kerd ke 85 nuqtayê eskerî yê Amerîkayî ameyê hedefgiretene û nîşan da ke teyarayî bêmerdim ê MQ-9 ke waştêne mudaxeleyê operasyonî bikerê, ameya vistene û wina vat: “Artêşa Amerîkayî ewro heta sodir qeraxê Mahşehr û Eyaletê Hurmuzganî de vera kampan û îstasyonanê sivîlan hêrişê hewayî kerd, adirbest bi eşkereyî binpay kerd û Peymana Îslamabadî binpay kerda.”
