Şam de nêzdîyê otêla ke Serekkomarê Fransa Emmanuel Macron tede maneno de teqîyayîşêk qewimîya.
Paytextê Surîye Şam de dore bi dore teqîyayîşî qewimîyayî. Goreyê xebera Al Jazeere, asmanê şaristanî de dumanî asayî. Sebebê nê teqîyayîşan hema zelal nêbîyo, labelê ameyo dîyarkerdene ke teqîyayîş nêzdîyê otêla ke Serekkomarê Fransa Emmanuel Macron tede maneno, uca de qewimîyayo.
Ame îfadekerdene ke wextê teqîyayîşî de Emmanuel Macron, seba pêvînayîşê Serekkomarê Surîye Ahmed Şara Qesra Serekkomarî de bîyo.
Derheqê na hedîse de ke merg yan zî birîndarî est ê yan nîyê, hema zanayîşêko zelal nêame girewtiş.
