Sîyasetmedaro Kurd Selahattîn Demîrtaş Hepisxaneyê Edîrne de pîyê Rojîn Kabaîş, Nizamettin Kabaîş û datê aye Ahmet Kabaîş reyde pêvînayîş viraşt.
Rojîn Kabaîş a 21 serrî wexto ke Unîversîteya Yuzuncu Yilî ya Wanî de wendêne 27ê êlûla 2024 de ameya vîndîkerdene û cenazaya aye 15ê teşrîna verêne 2024î de qeraxê Gola Wanî de herêma dewa Mollaqasimî ya qezaya Tûşba ya Wanî de ameya vînayene. A roje ra nat seba kiştoxê Rojîn Kabaîş bêrê vînayenê û mehkemekerdene pîyê aye Nîzamettîn Kabaîş û keyeyê aye mîyanê têkoşînêko bêmabên de yê.
Hemserekê Pêroyî yê HDP’yî yo verên Selahattîn Demîrtaş 4ê teşrîna peyêne 2016î ra nat Hepisxaneyê Edîrne de girewteyo, pîyê Rojîn Kabaîşe, Nîzamettîn Kabaîş û datê aye Ahmet Kabaîş reyde pêvînayîş viraşt.
Badê pêvînayîşê pîyê Rojîn Kabaîşe Nîzamettîn Kabaîş dîyar kerd ke Demîrtaş vato ke o bi keyeyê Kabaîş reyde yo û do avûkatê ey zî dewa û keyeyê înan reyde eleqedar bibê.
