Rojê Ma Musicî yê 8. Amed de bi çoş dest pêkred.Mamostayê Ma Musicî Ramîn Rabîeî bale ante serê neslanê neweyan û vat: “Ma deyndarê gedeyanê nê welatîyê ke ganî ma nê mîrasî bidê înan.”
Rojê Ma Musicî ke do 3 rojan dewam bikero Salona Alî Emîrî ya Şaredarîya Amedî ya Şaristanê Girdî de dest pêkerd. Xeylê kesî tewlê programî bîyî.
Nameyê Ma Musicî ser mamosta Ramîn Rabîeî qisey kerd. Ramîn Rabîeî da zanayene ke ey di hetan ra deydarê û wina dewam kerd: “Yew tira ma deydarê muzîkê kurdkî yê, deyndarê dengbejanê xo yê. Tarîxî ma xo reyde ardo, hîkayeyê ma xo reyde ardê heta ewro û ma çiqas hewl bidê ke nê mîrasî û na xezîna bipawê û nîşan bidê zî reyna ma kêmî yê. Ê dîyina zî ma deydarê gedeyanê nê welatîyê ke ganî ma nê mîrasî bidê înan. Coka hewceyî pê esta ke ma ra her yew bieşko no emaneto ke destê ma de yo, biresno neslanê neweyan, biresno gedeyan, birtesno ciwanan. Seba ke hêvîya ma ciwan û gedeyanê ma de menda.”
Badê qiseykerdişan Koma Ciwananê Mayî vejîyayê sehneyî ser û deyîrê bi zaravayanê kurdkî vatî. Dima ra zî Orkestra Rîtmanê Xozayî vejîya serê sehneyî. Program de qevde gulî ameyî dayene, bi tîlîlî û çepikan qedîya
Rojê Ma Musicî yê 8. do ewro û meşte dewam bikero.
