Dardekerdişê rejîmê Îranî dewam kenê. Rejîmî çalakîkero kurd darde kerd û qerarê dardekerdişî da 5 kesanê bînan zî.
Tedayê rejîmê Îranî yê serê şarî dewam kenê. Rêxistina Heqanê Merdiman a Îranî eşkera kerd ke ciwanêko kurd ê bi nameyê Eşkan Malikî ke şarê qezaya Qurwe ya Sinê yo, vizêr Zindanê Qizilhesar ê Kerecî de bi nimitkî û bê ke agahdarî bidîyo keyeyê ey, ameyo dardekerdene.
Rêxistine da zanayene ke panc girewteyê çalakîyanê peyênan ê şaristanê Mehelat ê şaristanê Merkezî ke nameyê înan Îrfan Xelîlî, Elî Ekber Mehlûcî, Hisam Îsayî, Husên Şukûhî û Qasim Esanî yê, bi sucdarîya ‘Şerê hemverê Homayî’ qerarê îdamî dayo înan û tena 10 rojî wext dîyayo înan ke hemverê nê qerarî de îtîraz bikerê.
Heto bîn ra, Torra Belgekerdişê Heqanê Merdiman a Belûcîstanî eşkera kerd ke nê şeş aşmanê peyênan de, tewr kêm 92 welatîyê Belûcî bi guleyanê rasterast ê hêzanê asayîşî yan zî rîyê teqîyayîşê mayînan cuya xo ra bîyî. Mîyanê nê qurbanîyan de 11 gedeyî bînê 18 serrî û zaf cinîyî est ê ke wextê girewtişê keyeyan û çalakîyan de ameyî kiştene yan zî birîndarkerdiş. Eynê wextî de zafêrê 434 welatîyê Belûcî zî ameyî destbendkerdene.
