Îranî vizêr şewe bi dronan hêrişê qerargehê Partîya Demokrat a herêma Dêgele ya Hewlêrî kerd.
Goreyê xebera Rojnewsî ya ke çimeyêkê taybetî ra agahî girewtê, Îranî vizêr şewe 2 reyî hêrişê Herêma Kurdîstanî kerdo.
Ame vatene ke hêrişo ewilin bi teyareyêka bêmerdim a bombardumankerdişî vera qerargehê Partîya Demokrat a herêma Dêgele ya Hewlêrî ameyo kerdene.
Goreyê eynî çimeyî, hêrişo dîyin zî bi fuzeyan qezaya Çomanî ya herêma Balekayetî rê ameyo kerdene.
Heta nika derheqê xesar û zîyananê madî û can de tu zanayîş nêameyo vilakerdene. La ame zanayene ke dimayê hêrişî adir kewto herême. Ekîbanê îtfaîya şewatî girewto binê kontrolî.
Erjeno merdim vajo ke tewrê adirbest û pêkerdişê mabênê Amerîka û Îranî zî, hêrişê rejîmê Îranî yê vera çend welatanê Kendawe û Herêma Kurdîstanî dewam kenî.
