Serrgêra Qirkerdişê Madimakî ya 33. ê Sêwasî de bi hezaran kesî bi sloganê “Sêwasî xo vîr ra meke, mede vîrrakerdiş” reyde dest bi rayîrşîyayîşî kerd.
Sêwasî de 2ê temmuza 1994î de 33 hunermend û roşnvîrê ke tewrê Festîvala Pîr Sultan Abdalî ya Kulturî bîbî, otelê Madimakê de ameyê veşnayene, serrgêra 33. de yenê yadkerdiş.
Merdimê kesanê ke qirkerdişî de cuya xo ra bîyî, temsîlkarê rêxistinê elewîyan, Hemseraka DEM Partî Tulay Hatîmogullari, Hemsereka DBP’yî Çigdem Kiliçgun Uçar, Serekê CHP’yî o weçînite Ozgur Ozel, temsîlkarê partîyanê sîyasî û temsîlkarê komelê sîvîlî tewrê yadkerdişî bîyî.
Kesê ke tewrê yadkerdişê bîyî vernîya Komela Kulturî ya Pîr Sultan Abdalî (PSAKD) de ameyê têhet. Girse tîya ra bi hawayêko kortejî ver bi otelê Madimakî yo kehen rayra şi. Girse bi fotografanê 33 roşnvîranê ke qirkerdişî de cuya xo ra bîyî rayra şîyî.
Wextê rayîrşîyayîşî de pankartê sey “Roşnîya Sêwasî do nêtefîya” û “33 serrî vîyart ma xo vîr ra nêkerd, ma do nêdi vîrrakerdiş” ameyê akerdene. Girse, bi slogananê “Tena xelasîyayîş çin o, ya pêro pîya yan zî qet”, “Sêwasî xo vîr ra meke, mede virrakerdiş” û “Kiştoxî do hesab bidê şarî” rayra şîyî.
Rayîrşîyayîşî de bi deyîr û gulbangê hunermendanê ke qirkerdişî de cuya xo ra bîyî, dayê goşdarîkerdene.
