YRK’yî ke derheqê hêrişanê artêşa Îranî yê vera dewanê Bane hîşyar kerd, vat: “Ma nê hêrişan qebul nêkenê. Eke nê hêrişî reyna bêrê kerdene ma do cewabo ke hewce keno, bidê.”
Yewîyanê Pawitişî yê Rojhelatê Kurdîstanî (YRK) derheqê hêrişanê artêşa Îranî yê vera dewanê Bane de eşkerayîye daye.
Eşkerayîye de ame vatene ke 25ê hezîrana 2026î de hîrê dronanê rejîmê Îranî hêrişê dormeyê dewa Şîwî ya bajarê Bane yê Rojhelatê Kurdîstanî kerd. Dîya zanayene ke hêriş de hêzanê YRK’yî zirar nêdî, bax û bexçeyê hemwelatîyan de xesaro madî ame meydan.
Eşkerayîye YRK’yî de nê ameyî vatene: “Ma hêrişan vera welatê xo qetî qebul nêkenê. Eke nê hêrişî reyna bibê, ma do cewabo ke hewce keno bidê ci. Wa nê ra qet şikê çewî çîn bo. Wezîfeyê ma bingeyî o yo ke ma gan û canê şarê xo bipawê. Wa her kes pêbawer bo ke ma do wezîfe û berpirsîyarîyanê xo bi hewayêkê tewr holî bîyarê ca.”
