Dewanê Efrîn de birnayîşê daran û barkerdişê êzimanê înan bêmabên dewam keno. Demê îşxalkerdişê Efrînî ra (2018) zafêrê mîlyon darî ameyê birnayene.
Vizêr dewanê Efrîn ra tay dîmenî ameyê parekerdene. Dîmenan de ke welatîyan bi telefonê xo girewtê, dîyar beno ke kesê xerîbî, daristananê dewanê Basûta û Eyn Gazî yê Efrînî de daran birnenê û êzimanê înan bar kenê.
Goreyê xebera ajansê ANHA çimeyê herêmî dîyar kenê ke zafêrê 8 serran ra yo birnayîşê daran û bazirganîya înan dewam keno. Encam de qadêka hîra ya daristanan tepa kewta.
Goreyê daneyanê peyên ke ajansê ANHA dayê, demê îşxalkerdişê Efrînî ra hetê dewleta tirkan û çeteyanê girêdayeyê aye (2018) ra, nêzdîyê mîlyon û 30 hezar darî ameyê birnayene û sey êzim û komir ameyê rotiş. Sewbîna zafêrê 12 hezar hektar daristan û erdê ramitişî ameyê veşnayene.
