Hedreyîya averşîyayîşê têkilîyê dîplomasî ê mabênê DYA û Îranî dewam kenê. Îranî eşkarea kerd ke înan Neqebê Hurmuzî bi maneya Îsraîlî bi hawayêko domdar hêrişê başûrî Lubanî keno, girewt.
Adirbestê mabenê Dewletanê Yewbîyayeyan ê Amerîka (DYA) de hewldayîşê çareserkerdişê dîplomasî ameyê kerdene. Îran hêrişê Îsraîlî ê vera Hîzbullahî ê başûrî Lubnanî ver reyna Neqebê Hurmuzî girewt.
Hetkarê Serekê DYA’yî JD Vance roja yewşeme resa Swîsre. Yeno pawena dayîşûgirewtişê newe mîyanê roje de do dest pêbikerê. Heyeta Îranî de Serekê Meclîsê Mohammad Baqer Qalibaf û Wezîrê Teberî Abbas Araqçî zî ca gêno.
Bê rayedarê Amerîka û Îranî, Serekwezîrê Pakîstanê Şehbaz Şerîf û Fermandarê Hêzê Çekdar ê welatê Asim Munîr zî tewrê kombîyayîşanê dîplomatîk bibê. Pakîstan wextê şerî de mabênkarî kerd. Wezaretê Teber ê Pakîstanî eşkerayîye de vat ke piştîdayena caardişê pêameyîşê mabenê Îran û DYA’yî domnenê.
JD Vance verê ke şêro Swîsre vat ke ma hêvî kenê ke babetê nukleerî û adirbestî ê Lubnanî de averşîyayîş bêro destkewtiş. Ey derheqê şarê mabenê Îsraîl û Hîzbullahî de vat ke rewş tayê aramî bîya, la lazimo ke her tim bêro teqîbkerdene. Verfekê Wezaretê Teber ê Îranî Îsmaîl Beqaî zî vat ke welatê ey do waştişê bi caardişê sozanê hetanê bînan bikero.
Îran: Nêzdî neqebî mebê
Despêkê hewteyî de serekê ABD û Îranî pêkerdişê ewilîn ê seba vindertişî şerî herême ser o, Lubnan zî tede razî bîyê. Peymane şert kena ke mîyanê 60î rojan de dayîşûgirewtişî seba pêkerdişê peyênan domnenê. Eynî demî de hêrişê Îsraîlî başûrî Lubnanî ser dewam kenê. Îranî eşkera kerd ke girewtişê Neqebê Hurmuzî cewabêk o vera nê hêrişan. Hêzê Pasdaranê Şorişê Îranî zî hîşyarî da keştîyan ke nêzdî neqebî mebê.
Lubnan: Îsraîlî 15 kesî kiştê, heqê ma esto ke ma hêriş bikerê
Tehranî eşkrayîyêk de vat ke hêrişî Îsraîlî vera peymana ke Washîngtonî reyde ameya kerdene. Her çiqas 20ê hezîrane de adirbestêko mabênê Îsraîl û Hîzbullah de ameyo eşkerakerdiş, la badê çend saetan Îsraîl reyna hêrişê başûrê Lubnanî kerd. Goreyê rayedaranê Lubnanî, hêrişanê peyênan de tewr tayê 15 kesî ameyê kiştiş. Hîzbullahî eşkera kerd ke heqê cewabdayîşê xo pawenê. Sewbîna Îsraîl zî Hîzbullahî hîşyar kerd ke adirbestî binpay nêkero.
Hetê sîyasî ra, JD Vance 18ê hezîrane de hukmatê Îsraîlî rexne kerd û vat: “Ewro goreyê Trumpî ra hinî serekê dewletan hema zî bi sempatî ewnênê Îsraîlî ra û waşt ke rayedarê Îsraîlê raştîya rewşa xo bivînê.” Eynî wextî de Donald Trump zî Îsraîlî rexne kerd û îfade kerd ke vera Lubnanî Îsraîl hêzêko zêde xebitnano û bîyo sebebê mergê sîvîlan. Goreyê şîrovekaran, Washîngton wazeno mesajê paştîdayîş adirbestî û pêameyîşî Tehran û welatanê kendawa Farsî rê bierşawo.
