Operasyono ke 1ê hezîrane de Şaredarîya Bucayî ser o amebi kerdiş de, Serekê Şaredarîye Gorkem Duman û burokratê şaredarîye zî tede 42 kesî ameyê girewtene.
Çarçeweya cipersayîşê ke Şaredarîya Bucayî û şîrketanê şaredarîye ser o amêni kerdiş de, Serekê Şaredarîya Bucayî Gorkem Duman, serekê verên Erhan Kilic û Serekê CHP’yî yê Bucayî Çagdaş Kaya zî tede xeylî kesî amebî destbendkerdene. Badê îfadeyanê înan ê emnîyetî sewqê edlîyeya Îzmîrî ameyê kerdiş. Mehkema derheqê Gorkem Duman, Çagdaş Kaya û Erhan Kiliç zî de seba 22 kesî bu sucê “Endamtîya rêxistinî ke seba sucan ameyo awankerdene, girewtişê rişwetî û zîmetî” û 20 kesanê bînan zî bi sucdarkerdişê “girewtişê rişwetî û zîmetî” qerarê tewqîfkerdişî da. Sewbîna mehkema derheqê 9 kesan de bi şertê kontrolê û 3 kesan de zî qerarê veradayîşî da.
