Hûmara aşma hezîrane ya rojnameyê Newaya Jinî, bi manşetê “Wesîyetê Zîlan û Sema: YAJKî ra Resayîşê ver bi Unîversalîye yo” vejîya.
Rojnameyê Newaya Jin de ke babetê sey xebatê azadîya cinîyan, awankerdişê komelê demokratîkî, prosesê aştî, cuya ekolojîk û Jîneolojî yenê erjnayîş, hûmara xo ya aşma hezîrane de bi manşetê “Wesîyetê Zîlan û Sema: YAJKî ra Resayîşê ver bi Unîversalîye yo” vejîya.
Rolê Tarîxî û Kampanyaya TJA
- Rolê Zîlan û Sema: Raperîn Munzur bi nuşteyê xo bal ant mîsyonê tarîxî yê Zeynep Kinaci (Zîlan) û Sema Yuce ser o. Nuşte de ame vatene ke Îdeolojîyê Xelasîya Cinîyan o ke 1998î de hetê Rayberê Şarê Kurdî Abdullah Ocalanî ra amebi eşkerakerdiş, xeta nê her di cinîyan erjnaye.
- Kampanyaya TJA: Halîde Turkoglu zî xebatê kampanyaya TJA ya bi nameyê “Nika Wextê Cinîyan o” Halîde Turkoglu bi nimûneyanê Gulîstan Doku û Rojîn Kabaîş da zanayîş ke hemverê tedaya cinîyan ser o, ganî cinîyî bibê pawitişê cewherî yê yewbînan.
Awankerdişê Komelê Demokratîk û Aştî
- Erjnayîşê KJK’yî: Koordînasyonê KJK’yî bale ant azadîya fîzîkî ya Rayberê Şarê Kurdî Abdullah Ocalanî ser o û di nê prosesî de rolê pêşengîya cinîyan erjna.
- Perspektîfê Aştî: Sebahat Tuncel bi nuşteyê xo da musnayîş ke aştîya raştikîne tena bi vindertişê çekî nêbena; bi xoserîya huquqî û hemwelatîya têduşt bena. Evîndar Ararat zî da zanayîş ke eke meseleyê kurdî bêro çareserkerdiş zî, problemê azadîya cinîyan do dewam bikero.
- Roportajê Gulîstan Kiliç Koçyîgît reyde: Roza Metîna, Serekwekîla Grûba DEM Partî Gulîstan Kılıç Koçyîgît de roportajêk kerd û Gulîstan Kılıç Koçyîgît da zanayîş ke seba prosesî her gama demokratîk û huquqî zaf pîroz a.
Sîyasetê Dinya û Ekolojî
- Îran û Kolombîya: Gelawêj Ewrîn rewşa Îranî û xeta “Jin Jîyan Azadî” Gûlîstan Çîya Îke zî sîyasetmedara Kolombîyaye Vîktorîa Sandîno de roportajêk kerd û behsê rolê cinîyan ê prosesê aştîya FARC’î kerd.
- Ekolojî û Portreyî: Sultan Gulsun nuşteyê xo de bale ant xesaro ekolojîk ê projeyanê JES’î yê ke Kanîreş û Gimgim de yenê plankerdene ser o. Beşê portreyî de zî behsê cuya pawitoxa heqanê cinîyan a Afgan Maryam Duranî, femînîsta Misirij Dorîa Şefîk û Zîlana Qamişloyije ame kerdene.
