Rejîmê Îranî ke cezayê dardekerdişî sey hacetê teda vera şarî şuxulneno, bi manayê ke tewrê çalakîyanê aşma çeleyî bîyê, her di girewteyê kurdî Mehrdad Mihemedînîya û Aşkan Malekî darde kerdê.
Binpaykerdişê heqanê merdiman û pêlê dardekerdişî yê rejîmê Îranî ke vera aktîvîstanê sîyasîyan û bi taybetî zî vera kurdan bêmabên dewam kenê. Goreyê xebera ke Ajansê Mîzanî ya girêdayeyê hukmê rejîmê Îranî yo, ame vatene ke girewteyê kurdî yê bi nameyê Mehrdad Mihemedînîya û Aşkan Malekî Zindanê Qizilhesarî yê şaristanê Kerecî de ameyê dardekerdiş.
Rejîmî ra îdiayê bêbingeyî
Ame zanayîş ke her di girewteyî seba ke tewrê çalakîyanê aşma çeleyî bîyê, hetê hêzanê dewlete ra ameyê girewtiş. Rejîmê Îranî seba ke nê cînayetanê xo rewa bikero, reyna verê xo dana îdiayanê xo yê klasîk û bêbingeyînan.
Eşkerayîya hakîmîya rejîmî de, her di girewteyê kurdî bi manayê ke ardimê Îsraîl û DYA kerdo ameyê qetilkerdiş. Sewbîna hakîmîye bi sucdarîya ‘Moharebe’ yanî şerê vera Homayî û dewlete, no qirkerdişê xo yê dardekerdişî pawit.
