Colemêrg de dimayê varayîşê varanê vêşî rayîrê Colemêrg û Geverî ser o hezaz qewimîya û rayîr her di hetan ra, şîyayîş û ameyîşî rê ame girewtiş. Ame zanayene ke xebatê akerdişê rayîrî ameyê destpêkerdiş.
Colemêrg de demanê peyênaan de rîyê varayîşê vewre û varanî ra tehlukeyê hezazî vêşî bi. Varayîşê varanî yê vêşî bi sebeb ke rayîrê Colemêrg û Gever ser o hezaz bibo û rayîr ame girewtiş. Rîyê hezazî ra rayîrî ser o xeylê wesayîtî kom bîyê. Tehlukeyê hezazî herême de dewam keno.
