Serekê Pêroyî yê CHPê vera qerarê “butlano mutlaq” reaksîyon mojna û vat:“Ma do vera nê derbeyî de xo ver bidê. Ma veng danê pêroyî welatijan ke her ca de vera nê qerarî reaksîyon nîşan bidê. Ma teslîm nêbenê û pêro teklîfanê bêexlaqan red kenê.”
Serekê CHP’yî Ozgur Ozel vera qerarê îstînafî yê “butlano mutlaq” merkezê pêroyî yê partîya xo de eşkerayî da. Ozgur Ozelî vera qerarî reaksîyon mojna û wina qisey kerd: “Ganî partîya ma xorexne bikerdene û vera partîya ma reaksîyonê girdî estbî. Ma zî vat ganî CHP’yî bivurîyo û ma kewtê rayîrêk. Ma waşt ke ma vurîyayîşêk bi ca bîyarê.
Ma dimayê 47 serran bîyê partîya yewine raya verêna AKP bin visto. Sucê ma no bî. Ma teslîm nêbenê vera îradeyê şarî şer dest pêkerdo. No şer vera ma nîyo vera îradeyê şarî yo. Ma do vera nê qerarê muracatê Mehkema Berzê bikerê û waştişê vindarnayîşê qerarê tedbîrî bikerê.
