Şaredarîya Peyasî seba asankerdişê citkarî û şîyayîşûameyîşê Gola Dengecûkî ya Awdayîşê, qezaya Peyasî ya Amedî dest bi xebatanê viraştişê rayîrî kerd. Bi saya na xebate, dewijê ke her di hetanê gole de manenê do bi lez û asanî xo biresnê hêgayanê xo.
Şaredarîya Peyasî, bi waştişê dewijanê herême ser, ekîbê Karanê Fenî yê şaredarîya Peyasî erşawitê warê xebate. Çarçewaya xebatan de Gola Dengecûkî ser o borîyê awe yenê rakerdene û viraştişê rayîrî bi hawayêko lez yeno dewamkerdene.
Şîyayîş û ameyîşê hezar donim erdî asan beno
Bi temamkerdişê rayîrî yê Gola Dengecûkî yê Awdayîşî ser o, citkarî do bi hawayêko asan xo biresnê hezar donim hêgayanê ramitene û mezraya Alçaxî. Sewbîna dermankerdene, awdayîş û çînitişê hêgayan hem asan beno hem zî do mesrefê şîyayîş û ameyîşê hêgayan kêm bikero û hasilatê înan zêde bikero.
