Şilêr Mamqaderîya ke 17 rojî verê cû hetê hêzanê rejîmê Îranî ra ameye tewqîfkerdene û beşê karantîna yê Hepisxaneyê Merkezî yê Urmîye de yena girewtene, ame vatene ke tedawîya ci yena astengkerdene.
Goreyê raporê Torra Heqanê Merdiman a Kurdîstanî, hemwelatîya kurde ya şarê Mehabadî Şilêr Mamqaderî 9ê nîsana 2026î de hetê hêzanê ewlekarî ra ameye destbendkerdene û nika beşê karantîna yê Hepisxaneyê Merkezî yê Urmîye de yena girewtene.
Goreyê raporî, rixmo ke ser ra 17 rojî derbaz bîyî zî Şilêr Mamqaderî hema zî beşê karantîna de yenî girewtene û heqê xizmetê weşîye ra bêper yena verdene. Goreyê xebera ke pêvînayîşo peyên ê telefonî de dîyar bîya, aye bi xo vato ke a hema karantîna de ya.
Reyna ame dîyarkerdene ke Şilêr Mamqaderî nêweşa kanser a û tewqîfkerdişî ra ver tedawî dîyêne. Şertanê giran ê hepisxaneyî de bê xizmetê tibî mendişê aye, fîkaranê derheqê weşîya aye de zêde keno.
Goreyê raporî, Şilêr Mamqaderîya ke tîya ra ver zî hetê hêzanê ewlekarî ra ameybî destbendkerdene, maya di domanan a.
