Mereş de vera dibistanêkê hêrişo çekdarî ame kerdene. Hêrişî de mamosteyêk û 3 wendekarî ameyê qetilkerdene û 20 kesî zî birîndar bîyê. Derheqê hedîse de qedexeyê weşanî ame eşkerakerdene.
Dibistanê Mîyanên ê Ayser Çalik ê Mereşî de vengê çekan ame eşnawitene. Ekîbê weşîye, hêzê ewlekarî û polîsê ekîbanê taybet seba cayê hedîse ameyê sewqkerdene. Ekîbê weşîye dimayê mudaxaleyê ewilî birîndarî berdê nêweşxane.
Walîyê Mereşî Mukerrem Unluer derheqê hedîse de nê agahî pare kerdê. Unluerî da zanayene ke hêrişî de mamosteyêk û 3 wendekarî ameyê kiiştene û 20 kesî zî birîndar bîyê.
Wezîrê Perwerdeyî yê Mîllî Yusuf Tekînî zî dimayê hedîse ver bi şaristanî kewt rayîr. Wezîrê Edaletî Akin Gurlek zî vat ke cipersayîş ameyo destpêkerdene û wina domna: “3 serdozgerê komare û 4 dozgerê komare ameyê wezîfedarkerdene.” Wezîrê Karanê Zereyî Mustafa Çîftçî zî ver bi şaristanî kewt rayîr.
Ame zanayene ke hêrişkar ameyo kiştene.
Wezîrê Edaletî Akin Gurlekî eşkera kerd ke derheqê hedîse de qerarê qedexeyê weşanî ameyo dayene.
