Berpirsê Eşkerayî yê Teyaragehê Mîyanêneteweyî yê Celal Talabanî yê Silêmanî Dana Mihemed eşkera kerd ke badê vindarnayîşê 40 rojî, seferê asmênî yê mîyanneteweyî reyna dest pêkerdî û yewin sefer zî ver bi Urdunî ra ame kerdene.
Berpirsê Eşkerayî yê Teyaragehê Mîyanneteweyî yê Celal Talabanî Dana Mihemed, derheqê dest pêkerdişê seferanê asmênî yê mîyanneteweyî de eşkerayî da çapemenî. Dana mihemed dîyar kerd ke badê qedexeyê 40 rojî, no serê sibayî sefero yewin ver bi Urdunî ra trafîkê hewarayîrî yê mîyanneteweyî newe ra dest pêkerdo.
‘Seferî do goreyê programî ra dewam bikerê
Berpirsê eşkerayî de dîyar kerd ke çarçewaya programê ke Sazgehê Hewarayîrê Sivîlî yê Îraqî înan rê erşawito, do rojanê vernîya ma de zî seferê Teyaragehê Mîyanneteweyî yê Celal Talabanî bi hawayêko adetî dewam bikerê.
Sazgehê Hewarayîrê sivîlî yê Îraqî, seba îhtîlafî û şerê mabênê DYA-Îsraîlî û Îranî de heme seferê Asmênî yê teyaragehê Îraqî dabî vindernayene.
