Lîgê1.TFF de çiqas şino heyacan zêde beno, çike taximê ke seba şampîyonî û play-offî kaykenê mabênê înan de hemberî xorîn bena.
Nê taximan ra yew zî Amedspor o ewro şande keyeyê xo de Bolusporî keno meyman. Maç do saete 19.00 de dest pêbikero. Amespor rayîrê şampîyonî de seba serkewtene vejîyeno vernîya hetkaranê xo.
Amedspor Lîga 1.TFF de rêza dîyinê de ca gêno 67 puanê cî estê. Amedspor Heta nika keyeyê xo de 16 maçî kaykerdê nînan ra 13 maçî girewtî 3 maçî de zî seypêmendiş qedîyayê.
Qedênayîşê lîgî rê 6 hewteyî mendo tîya ra tepîya seba Amedspor heme maçî zaf muhîmê. La ewro keyeyê xo de vernîya hetkaranê xo de kaykeno û nê hewteyanê krîtîkan de ganî nê awantajê xo baş bikar bîyaro. Seba ver bi hedefê şampîyonî mîyanê hetkaranê Amedsporî de heyecan û eleqeyêko gird esto
Hetkarê Amedsporî eşkenê nê maçî bi hawayêko ganî serê ekrananê TRT Spor û beIN Sports max de bi şopnê.
