Koçberê Serêkanî serdanê keyê û dewanê xo kerdbî û bi dîmenan talan û wêrankerdişê keyê û dewanê xo belge kerdî.
Badê 7 serran çend keyeyê koçberanê Serêkanî yê dewa Um Şeîfa roşanê remezanî de serdanê dewanê xo kerdbî. Dewa Şeîfa kewena vakurê şaristanê Til Temir û serê raya şaristanê Zirgane de ya. Keyeyî bi dîmenan talan wêrankerdişê ban û dewa xo belge kerdê. Dîmenan de dîyar beno ke keyeyê koçberan dewa Şeîfa bi temamî ameya rijnayene, wêrankerdene û na rewşe de nêeşkenê agêrê keyanê xo. Badê 7 serran ê koçberî de vînenê ke şopê ciwîyayîşê înan ê bi serran nêmendê û heme cayî talan û wêran kerdê.
Wayîrê keyanê dewa Şeîfa ard ziwan ke her quncikê keyeyê înan de parçeyêk cuya înan ra bî. Ewro zî badê serranê rîyê koçberî ra bîyê xerîbê dewa xo. Sewbîna zî dewijan dîyar kerd ke heme dewê ke binê destê Tirkîya û çeteyanê înan de yê bi temamî wêran bîyê û şênî tede nêmanenê. Na rewşe de koçberî nêeşkenê agêrê dewa xo, seba ke çîyêk payra nêmendo. Serra 2019î badê ke dewleta Tirkîya û çeteyê girêdayê aye şaristanê Serêkanî û Girê Sipî îşxal kerdo, zêdeyê 150 hezar kesî koçber bîyê.
Koçberê Serêkanî û Girê Sipî paweyê ke pêameyîşê 29ê çele bi ca bêro, pêro pîya agêrê dewan û şaristananê xo.
