Qezaya Qoser, Stewrê, Rişmil û Artûklûyî yên Mêrdînî semedê varanê zafî ra xeylê cayan de laser werişt û merkezê şaristanî û dewan de xeylê cayî binê awe de mendî.
Mêrdîn de semedê varayîşê varanê zêdeyî xeylê herêman de laser werişt. Dewanê Xerabkurka û Emrûde yê qezaya Qoserî, awa çem û newalan werişt û semedê laserî dewî binê awe de mendî. Şelaleyê Emrûde zî badê varayîşê varanê zêde ra mîyanê herre û çamure de mend. Gelîyê Zergane yê qezaya Qoserî de zî laser werişt. Bi weriştena awa newale ra hinî cayan de awe ver bi taxan herikîya. Qezaya Stewre û qezaya Artûklûyî de zî laser werişt û zafê hêgayê ramiteyî binê awe de mendî. Qezaya Rişmile zî seba varayîşê varanê zêdeyî ra newala Riclê ke 12 serrî ya awe tira nêameyene pirî awe bî. Bi weriştena laserî ra hêgayê ramiteyî û dewe binê awe de mende.
