Serokê berê yê Venezûelayê Nicolas Maduro û hevjîna wî Cilia Flores, ji ber îdiayên ku li dijî muxalifên siyasî sîstema îşkenceyê plan kirine, li New Yorkê derketin pêşberî dadger. Ji her yekê re 50 sal cezayê girtîgehê tê xwestin.
Serokê berê yê Venezûelayê Nicolas Maduro û hevjîna wî Cilia Flores, bi îdiaya ku di navbera salên 1999-2025an de tev li komploya îşkenceya li dijî muxalifên siyasî bûne, li dadgeheke federal a li New Yorkê derketin pêşberî dadger. Hat ragihandin ku Maduro û Floresê li dadgehê hemû sûcdariyên li ser xe red kirine û diyar kirine ku ew bêsûc in. Dozgerên Amerîkayê diyar kirine ku rêveberiya Maduro ji bo parastina desthilata xwe sîstemeke îşkenceyê bi rê ve biriye.
Piştî danişînê dadger doza darizandinê taloqî 14ê Hezîrana 2027an kir. Tê diyarkirin ku di encama darizandinê de, eger Maduro û Flores ji hemû sûcan bên cezakirin, dê her yek ji wan re herî kêm 50 sal cezayê girtîgehê were birîn.
