Kovara çand, huner û wêjeyê ya “Kewar” bi hejmara yekem a (Zivistan 2026) dest bi weşanê kir. Kovar dê bi zaravayên Kurdî weşanê bike û bêpere be.
Kovara çand, huner û wêjeyê ya “Kewar” di pêşengtiya Komeleya Lêkolînên Çand, Dîrok û Wêjeya Devkî (SOZ-DER) de dest bi weşana xwe kir. Kovara ku dê bi zaravayên Kurdî were weşandin dê wek diyariya komeleyê bêpere werin belavkirin.
Kovara Kewar dê sê mehan carekê were weşandin û di her hejmarê de dê bi nivîsên wêjeyî, çandî, hunerî û rexneyî derkeve pêşberî xwîner û şopînerên xwe. Di hejmara yekem de mijara sereke çand, wêjeya devkî û dîrok e. Hemû amadekar, endamên redaksiyon û edîtorên kovarê ji endamên komeleyê û nivîskarên wê pêk tên.
Naveroka Kewarê
Di kovara Kewarê de helbest, çîrok, werger, nirxandinên li ser şêwaz, berhem û helbestvanan, nivîsên rexneyî û teorîk cih digirin. Taybetmendiyeke girîng a kovarê ew e ku cih dide nivîsên cuda û cihêreng jî. Herwiha kovar bi armanca geşkirina ziman û wêjeya devkî ya Kurdî û afirandina platformeke azad ji bo nivîskar û xwîneran dê weşana xwe bidomîne. Kewar dê bi îdiaya bibe cihê deng, çand û wêjeya Kurdî weşana xwe bidomîne û deng û rengê Kurdî bide bihîstin.
Beşên Kovarê
“- Başa Lêkolîn û Wêjeyê: Dê nivîsên ku ji bo kovarê hatine şandin werin weşandin.
-Başa Jinê: Dê nivîsên jinan li vir bên weşandin.
– Beşa Helbestê: Her hejmar dê pirtûkek bi Kurdî hatiye nivîsandin wê bê nasandin.
-Başa Çîrokê: Çîrokên hatine berhevkirin dê werin weşandin.
– Pênûsên Nû: Nivîsên kesên ku nû dest bi nivîsandinê kirine dê di vê beşê de werin weşandin.
Kovar dê sê mehan carekê bi navê demsalê derbikeve. Hejmara vê demsalê jî wekî demsalê bû Zivistan.
