Wan – Welatiyê Wanî derheqê Prosesê Aştî û Komelê Demokratîk û viraştişê qanûndan de qisey kerd û vat: “Proses yew hetin aver nêşino, lazimo dewlete lezabez gamanê laziman bierzo, qanûnan virazo ke gerîla bieşko bêro û sîyaset bikero.”
Prosesê Aştî û Komelê Demokratîk 27ê sibata 2025î de bi vengdayîşê Rayberê Şarê Kurdî Abdullah Ocalan dest pêkerd û hema zî dewam keno. Nê prosesî de xo fesîhkerdişê PKK’yî ra bigrê hetanî vêşnayîşê çekan Têgêrayîşê Azadîye ê Kurdan sîyaset, huqûq metodê demokratîkê bikewê dewre xeylî gamê şênberî eştê. La rixmê nê gamanê tarîxî zî dewlete bê awankerdişê komîsyonê meclîse tu gamî şênber nêeştê, qanûnî lazimî hedre nêkerdê.
Welatijê Wanî derheqê prosesê Aştî û Komelê Demokratîk, nêviraştişê qanûnê çarçewa de qisey kerd.
Ganî Abdullah Ocalan û heme girewteyî bêrê veradayîş
Welatijan îfade kerd ke şarê kurdî her hetê ra berdêlê giranî dayê, ganê êdî no şer vindero û vat: “Proses yew hetin aver nêşino, lazimo dewlete lezabez gamanê şênberan bierzo, qanûnan virazo ke gerîla bieşko bêro û sîyaset bikero. Ganî qanûnê ke yenê hedrekerdene de statuya kurdan bêro qebulkerdiş û şar birêz Abdullah Ocalan û heme girewteyê sîyasî bêrê veradayîş.”
