Serekê DYA’yî Donald Trumpî, tehdîtanê xo yê vera Îranî dewam kerd, vat ke ê do mecbûr bimanê ke cewabêko zaf huşk bidê Îranî.
Serekê DYA’yî Donald Trumpî, verê weçînayîşê kongreye ya mabên dewrî de, kongreya Partîya Komarperwerî a ke Dallas de ame viraştene de, tehdîtanê xo yê vera Îranî dewam kerd.
Trumpî, ‘Ez Îranî bi hawayêko cîdî îqaz kena, eksê ci, ma do mecbûr bimanê ke înan rê bi hawayêko zaf huşk cewab bidê’ vat, vatenê xo yê verênî yê ke derheqê Neqebê Hurmuzî de yê tekrar kerdî û vat: ‘Goreyê mi, ganî ma Neqebê Hurmuzî rê vajê ‘Neqebê Trumpî.’ Ganî ez nê çîyî ra çîyêk bidest bikerî û ez bawer kena ke îdareyê Îranî zî do nê ra zaf memnun bibo.’
Trumpî wina vat: ‘Ê çîyê ra memnun nîyê. Welatê înan vila beno. 51 serrî yo ke Rojhelatê Mîyanênî de zordarî kenê û la êdî nêeşkenê zordarî bikerê.’
Trumpî hesabê xo yê medyaya dîjîtale ser o zî eşkerayîyêke vila kerde û wina nuşto: ‘Şima bawer kenê ma eşkenê nameyê rayberanê leşkerî yê Îranî yê ke sêne û unîformayanê înan ser o de nusenê, bi rêya peykanan bîwanê?’
