Welatijê herêma Çahşûrî ya girêdayeyê qezaya Tefranî ya wîlayetê Sîstan û Belûcîstanî ya Îranî, hewt rojî yo ke awa şimitişî ra bêpar mendê. Welatijê herême vanê ke înan xeylî reyî muracat kerdo; rixmê hende muracatan problemê awe çareser nêbîyo.
Welatijê ke herêma Çahşûrî ya girêdayeyê qezaya Tefranî ya şaristanê Sîstan û Belucîstanî yê Îranî de ciwîyenê, seba ke awa şimitişî hewt rojî bi temamî ameya birnayene, problemanê cîdiyan reyde rî bi rî yê.
Welatijêko Beluc, eşkera kerd ke birnayîşê awa herême, hema zî dewam keno û şar peydakerdişê lazimtîyanê xo yê rojane yê bingeyêna de zehmetî anceno.
Goreyê çimeyanê herême, hewteyêk o ke awa şimitişî herême de bi temamî ameya birnayene. Na rewşe, şertê germîya zêdeyî de hema zî dewam kena, cuya welatijan zî çiqas şino hîna zêde zehmetêr beno.
