Talîbanî eşkera kerd ke netîceyê hêrişanê asmanî yê Pakîstan herêmanê welatijan ê wîlayetê Kunar û Helmand de, 9 sîvîlî cuya xo ra bîyî.
Xeta sînorê mabenê Afganîstan û Pakîstanî de alozî reyna zêde bîyî. Badê ke seranserê Xeta Durandî pêkewtişî zehmetêr bîyî, her di hetî yewbînan bi hêrişê teyareyê bêmerdiman sucdar kenê ke hêriş û bombardûmanê asmanî ca ardê. Nê raverşîyayîşî rewşa emnîyetî û têkilîyanê dîplomatîk ê mabenê her di welatan reyna erzeno tehluke.
Qiseykerdoxê Talîbanî ewro eşkera kerd ke Pakîstan herêmanê welatijan ê wîlayetê Kunar û Helmand ê Afganîstan ser o hêrişê asmanî ca ardo. Ame eşkerakerdiş ke nê hêrişan de, tede cinî û gede zî est ê, 9 sîvîlî cuya xo ra bîyî, 11 kesî bîyî birîndar û 3 keyeyî ameyê rijnayîş.
Tansîyonê leşkerî yê demanê peyênan de sînorê Afganîstan û Pakîstanî ser o zêde bîyo û no çî bîyo sebebê tekrarbîyayîşê bombardûmanan. Yeno vatiş ke hêrişan de xeylî sîvîlî cuya xo ra bîyî. Eynî wextî de alozîyê têkilîyanê emnîyetî û dîplomatîk ê mabenê her di welatan zî xorînêr bena.
