Şaredarê Mersînî yê Şaristanê Girdî Vahap Seçer, Şaredarê Yenîşehîrî Abdullah Ozyîgît û Şaredarê Mezîtlî Ahmet Serkan Tuncer zî mîyanê de, 59 kesî ameyî destbendkerdene.
Derheqê Şaredarîya Mersînî ya Şaristanê Girdî û şaredarîyanê Yenîşehîr û Mezîtlî de bi îdîaya “gendelî” tehqîqatêk ame destpêkerdene û 59 kesî ameyî destbendkerdene. Çarçewaya tehqîqatî de polîsan keyeyê 59 kesan basqin kerdî ke Vahap Seçer, Abdullah Ozyîgît û Ahmet Serkan Tuncer zî mîyanê înan de yê.
Goreyê îdîayan, tehqîqat de 13 îhaleyî û 63 herînayîşê temînkerdişê rasterastî ameyî tehqîqkerdene. Îdîa beno ke zerarê pêroyî yê 330 mîlyon û 945 hezar lîrayan ame tesbîtkerdene.
