Ankara – Teqwîmê munaqeşeyanê butçeya serra 2027 ke do Komîsyonê Plan û Butçeyî de bêro munaqeşekerdene, eşkera bi.
Teqwîmê Pêşnîyazê Qanûnê Butçeya Îdareyê Merkezî yê Serra 2027 eşkera bi; pêşnîyaz do Komîsyonê Plan û Butçeyî de bêro munaqeşekerdene. Muzakereyê butçeyî yê komîsyonî do aşmêk dewam bikerê.
Munaqeşeyê butçeyî do 21ê teşrîna verêne de saete 14.30î de bi pêşkêşkerdişê Cagirê Serekkomarî Cevdet Yilmazî dest pêbikero. Badê pêşkêşkerdişê butçeyî, seba hedrekarîya endamanê komîsyonî do hewteyêk mabên bêro dayene.
Badê mabênî, 27ê teşrîna verêne de roja sêşemeyî do butçe ser o munaqeşeyê pêroyî bêrê kerdene. Munaqeşeyê butçeyî yê komîsyonî do 27ê teşrîna peyêne de roja îneyî biqedîyê. Dima butçe do bêro pêşkêşkerdene Heyetê Pêroyî yê Meclîsî.
