Mehkemaya Heqanê Merdiman a Ewropa (MHME) muracatê dîyine yê Osman Kavala de ke serra 2017 ra nat hepisxane de yo, vera Tirkîya qerarê binpaykerdişî da. Heyetê mehkema bi vengdayîşê ke waşt Osman Kavala ca de bêro veradayene, tekrar kerd.
MHME, qerarê xo derheqê muracatê dîyine yê Osman Kavala de ke serra 2017 ra nat hepisxane de yo, ewro şaristanê Strazburgî yê Fransa de roniştişêke de eşkera kerd.
Serekê MHME’yî Mattais Guyomar ê ke qerar eşkera kerd, dîyar kerd ke Tirkîya qerarê binpaykerdişê verên ê serra 2019î û vengdayîşê veradayîşî yê Osman Kavala de bi ca nêardo û dîyar kerd ke ganî Kavala demêko leze de bêro veradayene. Mehkema dîyar kerd ke semedê bingeyînî yê girewtişê Kavala, rolê ey ê protestoyanê Parka Gezî de û çalakîyê ey yê pawitişê heqanê merdiman de yê.
