ÎSÎGî “Raporê Qetlanê Karî”yê teşrîna verêne eşkera kerd û dîyar kerd ke qetlê karî de 193 karker ganê xo ra bîyî.
Meclîsê Tenduristîya Karkeran û Emnîyetîya Karî (ÎSÎG), Raporê Qetlanê Karî yê teşrîna verêne ya 2026î eşkera kerd. Goreyê raporî, qetlê karî de tewr kêmî 193 karker ganê xo ra bîyî. Serra 2026î de 10 aşman de tewr kêmî hezar û 930 karker ganê xo ra bîyî. Karkeran ra 15 cinî, 178 mêrik ê. Gore raporî, 9 karkerê domanî û 25 koçberî zî qetlê karî de ganê xo ra bîyî. 4 domanî 14 serran yê, ya zî binê 14 serran de yê.
Ame dîyarkerdene ke 38 karker înşaat de, 40 karker wexta citekarî de, 23 karker qada veguhestişî de û 15 karker qada tersaneyî de ganê xo ra bîyî. Tirkîya de 58 bajaran û 7 welatan de qetlê karî qewimîyayî.
